(2) Библейские изречения

Библейские изречения

о печали христианина по Боге

и Небесном Отечестве

     Пролию пред Ним (Господом) моление мое, печаль мою пред Ним возвещу (Пс. 141; 2). Яко исчезоша яко дым дние мои, и кости моя яко сушило сосхошася… Дние мои яко сень уклонишася, и аз яко сено изехох (Пс. 101; 4, 12). Господи Боже спасения моего, во дни воззвах, и в нощи пред Тобою (Пс. 87; 2). О, Господи, избави душу мою (Пс. 114; 4). К Тебе возведох очи мои, Живущему на небеси (Пс. 122; 1). Из глубины воззвах к Тебе, Господи: Господи, услыши глас мой. Да будут уши Твои внемлюще гласу моления моего (Пс. 129; 1-2). Желание имый разрешитися и со Христом быти… Мне бо еже жити, Христос, и еже умрети, приобретение (есть) (Флп. 1; 23, 21). Вонми молению моему… Изведи из темницы душу мою, исповедатися имени Твоему: мене ждут праведницы, дондеже воздаси мне (Пс. 141; 7-8). Скорби сердца моего умножишася, от нужд моих изведи мя (Пс. 24; 17). Спаси мя от брения, да не углебну, то есть извлеки меня из тины, чтоб не погрязнуть мне (Пс. 68; 15). Прильпе душа моя по Тебе (Пс. 62; 9). Господи, пред Тобою все желание мое и воздыхание мое от Тебе не утаися (Пс. 37; 10). Утрудихся воздыханием моим, измыю на всяку нощь ложе мое, слезами моими постелю мою омочу (Пс. 6; 7). Услыши молитву мою, Господи, и моление мое внуши, слез моих не премолчи: яко пресельник аз есмь у Тебе и пришлец, якоже ecu отцы мои. Ослаби ми, да почию (Пс. 38; 13-14.118; 19). Покажи ми славу Твою (Исх. 33; 18). О, Господи, спаси же: о, Господи, поспеши же (Пс. 117; 25).

     Едино просих от Господа, то взыщу; еже жити ми в дому Господни вся дни живота моего, зрети ми красоту Господню (Пс. 26; 4). Коль возлюбленна селения Твоя, Господи сил. Желает и скончавается душа моя во дворы Господни… Яко лучше день един в дворех Твоих паче тысящ (Пс. 83; 2-3,11). Имже образом желает елень на источники водныя, сице желает душа моя к Тебе, Боже (Пс. 41; 2). Исчезе сердце мое и плоть моя, Боже сердца моего, и часть моя, Боже, во век (Пс. 72; 26). Возжада душа моя к Богу крепкому, живому: когда прииду и явлюся лицу Божию! (Пс. 41; 3). Кто даст ми криле, яко голубине? и полещу, и почию (Пс. 54; 7). Кто введет мя во град ограждения? (Пс. 59; 11). Господи, кто обитает в жилищи Твоем; или кто вселится во святую гору Твою? Ходяй непорочен и делаяй правду, глаголяй истину в сердце своем. Иже не ульсти языком своим и не сотвори искреннему своему зла, и поношения не прият на ближния своя (Пс. 14; 1-3). Яко Бог не хотяй беззакония, Ты ecu: не приселится к Тебе лукавнуяй, ниже пребудут беззаконницы пред очима Твоима (Пс. 5; 5). Сия помянух и излиях на мя душу мою (Пс. 41; 5). Блажени живущии в дому Твоем (Пс. 83; 5). Блажен, егоже избрал ecu и приял, вселится во дворех Твоих (Пс. 64; 5). Посли свет Твой и истину Твою: та мя настависта и введоста мя в гору святую Твою и в селения Твоя (Пс. 42; 3).

   Колико есть дней раба Твоего? (Пс. 118; 84). Скажи ми, Господи, кончину мою и число дней моих, кое есть (Пс. 38; 5). Много пришельствова душа моя… Увы мне, яко пришельствие мое продолжися (Пс. 119; 6, 5).

      Но:  Обратися, душе моя, в покой твой, яко Господь благодействова тя (Пс. 114; 6).

Добавить комментарий

Ваш e-mail не будет опубликован. Обязательные поля помечены *

*

Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>